Esta moalidade comtempla os xogos deportivos en idade escolar da Comunidade Autónoma de Galicia. Trátase da única modalidade de XOGADE incluída no Plan Proxecta.
A Secretaría Xeral para o Deporte, a través dos servizos
provinciais, organizará a actividade correspondente a cada
unha das modalidades en función do número de inscritos,
adaptándose en cada provincia ás necesidades e posibilidades
organizativas de cada servizo.
Para a organización desta actividade contarán coa colaboración
das agrupacións deportivas de zona podendo tamén
contar cos clubs, concellos ou calquera outra entidade
pública ou privada que desde a Secretaría Xeral e os servizos
provinciais se estime conveniente.
Para a participación nesta actividade a Secretaría Xeralpara o Deporte proverá a todos os escolares dun seguro de accidente deportivo gratuíto durante o período de duración
da mesma. Así mesmo facilitará un servizo de transporte
gratuíto nos casos nos que o servizo correspondente o
estime necesario, previa solicitude da entidade participante.
A participación na actividade deportiva escolar será totalmente de balde, por tanto non poderá estar suxeita a
ningunha cota de inscrición ou similar.
Vai dirixida aos centros de ensino, ANPAs, clubs, escolas deportivas municipais, agrupacións deportivas, asociacións, etc., da Comunidade Autónoma de Galicia que o desexen.
Contempla as seguintes modalidades, cada una delas coa súa propia normativa específica:
- Atletismo en pista
- Bádminton
- Baloncesto
- Balonmán
- Béisbol e Sóftbol
- Campo a Través
- Duatlón
- Fútbol sala
- Orientación
- Patinaxe Artística
- Tenis de mesa
- Voleibol
- Xadrez
- Xogando co atletismo