As actividades lúdicas ofertadas dentro do Programa
XOGADE teñen como obxectivo principal o achegamento dos
escolares a diferentes disciplinas deportivas empregando
a mellor das ferramentas das que se dispón en educación:
o xogo.
A través do xogo os nenos e nenas tanto de primaria como
de secundaria terán a posibilidade de divertirse ao mesmo
tempo que realizan a súa primeira inmersión en diferentes
deportes.
Dende a Secretaría Xeral para o Deporte quérese dotar
aos centros escolares dos medios humanos e materiais
necesarios para levar a cabo esta aproximación dentro do
propio centro escolar.
Serán xornadas de achegamento de diferentes modalidades
deportivas aos centros educativos para proporcionarlles aos
escolares un primeiro contacto, empregando o xogo como
ferramenta educativa.
As actividades realizaranse en horario lectivo durante unha
ou dúas mañás dependendo de cada actividade e serán
levadas a cabo por técnicos da federación correspondente. O profesorado dispón dunha unidade didáctica na web de
XOGADE para poñer en práctica no centro.